9 may – Xotira va qadrlash kuni
Bandlik va mehnat munosabatlari vazirligi hamda, Toshkent shahridagi ishsizlarni kasb-hunarga o'qitish markazida faoliyat olib borayotgan bir guruh xodimlar “Shahidlar xotirasi” majmuida joylashgan “Qatag‘on qurbonlari xotirasi” muzeyiga tashrif buyurdilar. 9 may – Xotira va qadrlash kuni arafasida tashkil etilgan navbatdagi maʼrifat soati “Eʼtibor va g‘amxo‘rlik – insoniy burch” mavzusiga bag‘ishlandi. Maʼrifat soatida majmua tarixi, muzey va undagi eksponatlar haqida batafsil maʼlumot berildi. Bu majmua janggohlarda farzandlaridan ayrilgan ona Vatanimizning, ajdodlarimiz bosib o‘tgan murakkab hayot va kurash yo‘llarining, yaqin o‘tmish tariximizning timsoli, el-yurtimizning erki va ozodligi, kelajak avlodlarning baxt-saodati uchun hayotini qurbon qilgan vatandoshlarimizning mangulik ramzi bo‘lib ajdodlarimizni ulug‘lashga xizmat qilib kelmoqda.