img
img

Yangiliklar

img
Markaz

TOSHKENT SHAHRIDAGI ISHSIZLARNI KASB-HUNARGA O‘QITISH MARKAZI QABUL E'LON QILADI

O‘ZBEKISTON RESPUBLIKASI BANDLIK VA MEHNAT MUNOSABATLARI VAZIRLIGI HUZURIDAGI TOSHKENT SHAHRIDAGI ISHSIZ FUQAROLARNI KASB-HUNARGA O‘QITISH MARKAZI QABUL E'LON QILADI

O‘zbekiston Respublikasi Bandlik va mehnat munosabatlari vazirligining “O‘zbekistonda kasb-hunarga o‘qitish imkoniyatlarini rivojlantirish” loyihasi doirasida Koreya xalqaro hamkorlik agentligi (KOICA) ishtirokida Toshkent shahrida tashkil etilgan ishsiz fuqarolarni kasb-hunarga o‘qitish markaziga o‘quvchilarni qabul qilish jarayonlari an’anaviy tarzda utkaziladi.

Markazda ishsiz fuqarolarni kasb-hunarga o‘qitish (qayta tayyorlash) quyidagi asosiy yo‘nalishlar bo‘yicha bepul amalga oshiriladi – avtomobillarni ta'mirlash va ularga texnik xizmat ko‘rsatish (avtochilangarlar, motorchilar, avtomobillar diagnostikasi bo‘yicha mutaxassislar), mashinasozlik ishlab chiqarish texnologiyasi (tokarlar, frezerchilar, payvandchilar, chilangarlar va metallga ishlov berish mutaxassislari), Elektrotexnika, elektronika va avtomatlashtirish (Bino va inshoatlarni montaj qilish, elektr, elektronika va avtomatlashtirish, elektron texnika, Maishiy elekron texnikalarini ta'mirlaydigan mutaxassislar), axborot texnologiyalari (Nashriyot va grafik dasturlar, ADOBE PREMIER PRO videolarni montaj qilish, loyixalash va dizayn dasturlari, OFFICE dasturlari, komp'yuter va boshqa turdagi orgtexnikaga xizmat ko‘rsatish hamda ta'mirlash bo‘yicha mutaxassislar).

Markazda kasb-hunarga o‘qish muddati 8 oy, shundan Markazda o‘qish – 6 oy, korxonalarda ishlab chiqarish amaliyoti – 2 oy.

Kasb-hunarga o‘qitish markaziga hujjatlar, o‘qish istagini bildirganlarning ixtiyoriy tanloviga muvofiq, tuman (shahar) Bandlikka ko‘maklashish markazining yo‘llanmasi asosida an’anaviy tarzda qabul qilinadi.

Toshkent shahridagi ishsiz fuqarolarni kasb-hunarga o‘qitish markazining bitiruvchilariga egallagan kasbi (mutaxassisligi) bo‘yicha mehnat faoliyatini amalga oshirish huquqini beruvchi davlat namunasidagi diplom beriladi.

Talab qilinadigan hujjatlar: ariza, pasport, ma'lumotini tasdiqlovchi hujjat, sog‘lig‘i to‘g‘risida ma'lumotnoma (086 forma), ishga joylashtirishni kafolatlovchi uch tomonlama (ish beruvchi, tuman (shahar) Bandlikka ko‘maklashish markazi, jismoniy shaxs) shartnoma nusxasi, Bandlikka ko‘maklashish markazi tomonidan berilgan yo‘llanma, 3,5x4,5 mm hajmdagi 4 dona rangli fotosurat

Hujjatlar 2022 yil 4-iyuldan 2022 yil 4-avgustgacha qabul qilinadi.

Manzil: Toshkent shahar, Sergeli tumani, Sergeli-8 mavzesi.

Murojaat uchun tel: (+99871) 251-19-03, 251-26-91. (+99894) 660-88-03

Onlayn xizmatimizga obuna bo'ling