Toshkent shahridagi ishsizlarni kasb-hunarga o‘qitish markazi hamda “WorldSkills Uzbekistan" assotsiatsiyasi kasbga o‘qitishning zamonaviy tizimini joriy etish va rivojlantirish maqsadida yaqin hamkor sifatida faoliyat yuritib kelmoqda. Keng miqyosda olib borilayotgan islohotlarni Worldskills International delegatsiyasi yuqori baholab, O‘zbekistonni 2020 yilning 18 yanvar kuni “WorldSkills International” xalqaro assotsiatsiyasiga 83-a’zo davlat sifatida rasman qabul qildi. Markaz o‘quvchilari 3 yil davomida Ishchi kasblarni rivojlantirish milliy chempionati hamda xalqaro musobaqalarda faol qatnashib faxrli o‘rinlarni egallab kelmoqda. Ushbu tadbirlarda Toshkent shahridagi ishsizlarni kasb hunarga o‘qitish markazi rahbariyati va pedagog xodimlari harakatlarini, chempionatlarni o‘tkazish va tashkil etish, o‘quvchilarga WorldSkills standartlari asosida dars berishdagi ulkan xizmatlarini yuqori baholab, “Worldskills Uzbekistan" assotsiatsiyasi tomonidan Markaz direktori D.Valiyevga "Worldskills International" xalqaro tashkilotining “Best of Nation” oltin medali va esdalik nishoni topshirildi. Ushbu medal Markaz va “Worldskills Uzbekistan" assotsiatsiyasining kelgusida mehnat bozorida talab yuqori bo‘lgan malakali kadrlarni kasbga tayyorlash va chempionatlarni o‘tkazish va xalqaro darajada chempionatlarda ishtirok etib, sovrinli o‘rinlarni olib kelishiga xizmat qiladi.
RU
EN
