img
img

Yangiliklar

img
Markaz

Qabul

O‘ZBEKISTON RESPUBLIKASI KAMBAG‘ALLIKNI QISQARTIRISH VA BANDLIK VAZIRLIGI HUZURIDAGI TOSHKENT SHAHRIDAGI ISHSIZLARNI KASB-HUNARGA O‘QITISH MARKAZI QABUL E'LON QILADI

O‘zbekiston Respublikasi Kambag‘allikni qisqartirish va bandlik vazirligining “O‘zbekistonda kasb-hunarga o‘qitish imkoniyatlarini rivojlantirish” loyihasi doirasida Koreya xalqaro hamkorlik agentligi (KOICA) ishtirokida Toshkent shahrida tashkil etilgan ishsizlarni kasb-hunarga o‘qitish markaziga o‘quvchilarni qabul qilish jarayonlari an’anaviy tarzda o‘tkaziladi.

Markazda ishsiz fuqarolarni kasb-hunarga o‘qitish (qayta tayyorlash) quyidagi asosiy yo‘nalishlar bo‘yicha bepul amalga oshiriladi – Avtomobillarni ta’mirlash va ularga texnik xizmat ko‘rsatish (Avtomobil dvigatellariga texnik xizmat ko‘rsatish chilangari, Avtomobil shassisiga texnik xizmat ko‘rsatish chilangari, Avtomobillarni diagnostika qilish chilangari, Avtoelektrik, Avtomobil kuzov qismlarini ta‘mirlash chilangari), Mashinasozlik ishlab chiqarish texnologiyasi – Payvandlash ishlari (AUTO CAD, SOLIDWORKS, KOMPAS 3D,  CNC operator, CNC dasturchi, Tokar, Frezerlovchi, Argon payvandchi, CO2 yarim avtomat payvandchi, Qo'lda elektryoyli payvandchi, ,  Chilangar  mexaniklar va metallarga ishlov berish mutaxassislari), Elektrotexnika, elektronika va avtomatlashtirish (Bino-inshootlarda elektromontaj ishlari, Elektron va maishiy texnikani, Radio va teleapparaturani ta’mirlash va ularga servis xizmati ko‘rsatish mutaxassislari, Avtomatlashtirish, Muqobil energiya manbalariga xizmat ko‘rsatish, Avtomatik liniyalarni dasturlash), Axborot texnologiyalari (Loyihalash va dizayn dasturlari, Kompyuter tizimlari va tarmoqlari, Web dasturlash, Nashriyot va grafik dasturlari, MS Office dasturlari,Video Studio va boshqalar).

Markazda kasb-hunarga o‘qish muddati 8 oy, shundan Markazda o‘qish – 6 oy, korxonalarda ishlab chiqarish amaliyoti – 2 oy.

Kasb-hunarga o‘qitish markaziga hujjatlar, o‘qish istagini bildirganlarning ixtiyoriy tanloviga muvofiq, tuman (shahar) Bandlikka ko‘maklashish markazining yo‘llanmasi asosida an’anaviy tarzda qabul qilinadi.

Toshkent shahridagi ishsizlarni kasb-hunarga o‘qitish markazining bitiruvchilariga egallagan kasbi (mutaxassisligi) bo‘yicha mehnat faoliyatini amalga oshirish huquqini beruvchi davlat namunasidagi diplom beriladi.

Talab qilinadigan hujjatlar: ariza, pasport nusxasi, ma'lumotini tasdiqlovchi hujjat nusxasi, ishga joylashtirishni kafolatlovchi uch tomonlama (ish beruvchi, tuman (shahar) Bandlikka ko‘maklashish markazi, jismoniy shaxs) shartnoma nusxasi, Bandlikka ko‘maklashish markazi tomonidan berilgan yo‘llanma.

Hujjatlar 2023 yil 5-yanvardan 2023 yil 6-fevralgacha qabul qilinadi.

Manzil: Toshkent shahar, Sergeli tumani, Sergeli-8 mavzesi.

Murojaat uchun tel: (+99871) 251-19-03, (+99894) 660-88-03,(09)

www.vtct.uz

www.mehnat.uz

Onlayn xizmatimizga obuna bo'ling